Jæja þetta gekk ekki lengi hjá mér... vá, til hamingju Hildó með að geta skrifað hvað þrjú blogg eða eitthvað! Ég er greinilega ekki efnileg og það sem verra er ég kann ekki að eyða síðunni eða er það kannski ekki hægt??? Þetta mun allavega pottþétt ekki ganag, maður er bara of busy.  Svo ... bless og takk!

Sólin er bara að standa sig þessa dagana og það eru komnir tveir dagar í röð sem hún hefur yljað okkur með nærveru sinni en eins og titillin gefur til kynna brann ég ágætlega á bakinu í dag og varð það til þess að mér var hlýtt og notalegt á bakinu í allan dag þrátt fyrir að sólin kveddi um tvö leytið og kaldara yrði í veðri. Vinnudagurinn í dag byggði sem sagt aðalega á sex klukkustunda sólbaði... ekki sem verst það. 
En svo ég vaði nú úr einu yfir í annað þá var ammælisteiti heima hjá Heiðdísi eftir æfingu í dag en hún átti einmitt afmæli í gær. Þar borðaði ég hið besta pasta  og köku og allskonar fínerí í eftirmat. Arndís yndi kom sífellt á óvart með sín góðkunnu komment og henni ásamt Júlíönnu og Heiðdísi sjálfri tókst að mínu mati að halda fjörinu í hámarki. Já og svo má nú ekki gleyma gítartríóinu sem stóð fyrir lifandi músík á staðnum en það voru hinar fræknu Írisar ásamt Steinþóri og spiluðu þau ljúfa og vel samstillta tóna;)
jæja nú er komin háttatími og mín á leiðinni í háttinn, en þar sem klukkan er yfir miðnætti finnst mér viðeigandi að minnast aðeins á það að eftir viku (30. júní) erum við Helga að leggja af stað í mikla útlandaferð en fyrst er förinni heitið til Englands svo munum við storma til Ísrael og svo aftur til Englands og að lokum munum við snúa aftur á frónið þann 16. júlí. Spennandi;)
Hildó ævintýrafari kveður, góða nótt

Vááááá, það er sól á Íslandi í dag!
Þetta er fyrsti góði sumardagurinn sem er búin að vera síðan ég byrjaði í vinnunni í lok maí, við skrifum sko alltaf hjá okkur hvernig veðrið er á hverjum degi og svona án djóks þá er þetta fyrsti dagurinn sem stendur gott veður, sól og ágætlega hlýtt. Það var reyndar einn annar sólardagur en þá var frekar kalt... nema í skjóli fyrir framan kofann okkar þar sem við lágum í sólbaði og mér tókst að brenna nokkuð vel í það skiptið. Í dag tókst mér reyndar ekki að brenna jafn vel og síðast en ég er ekki frá því að maður sé komin með smá roða í kinnarnar og á bringuna, en það er nú bara gaman af því. Fyrir þá sem ekki vita þá er ég sem sagt að vinna í skólagörðunum í Gorvík við það að hjálpa krökkum að gróðursetja og sollis. En í dag var leikjadagur hjá okkur... eða með öðrum orðum var ég að leika mér við litla krakka í allan dag og fá borgað fyrir það. Þetta var jafnvel skemmtilegra en ég bjóst við og ég náði að lifa mig vel og rækilega inn í stemminguna frá því ég var lítil og rifja upp gömlu góðu leikina. Ég er reyndar með sjúklega mikla beinhimnubólgu og hélt hún nú nokkuð aftur af mér en það er kannski eins gott svo krakkarnir yrðu ekki hræddir við mig. En nú liggur leið mín í sundlaugina að synda þar sem ég get ekki farið á æfingu í dag vegna beinhimnubólgunnar... og vonandi næ ég að draga einhvern með mér í þessa uppáhalds afþreigingu mína
Adios

Halló, halló!
Hlakka til að byrja að blogga að alvöru, fyrsta bloggið verður ekki lengra vegna reynsluleysis en vonandi kemur þetta allt saman hjá mér og verður að ég vona hið besta blogg... því æfingin skapar jú meistarann! Ég vil samt meina að rétt sé að byrja rólega svo maður gefist nú ekki upp á fyrsta degi

...Hildó spekingur kveður í bili